الصفحة الرئيسية
كلمة كتابات
الكتابات المنشورة تعبر عن رأي اصحابها - الرقيب ضمير الكاتب
صفحات خاصة
دراسات
kitabat@kitabat.com <<< webmaster@kitabat.com
الارشيف
كتب
25 كانون ثاني 2010
ابحث في كتابات
العفو.. قضية داخلية
كتابات - حبيب العربنجي
هسة يللا صارت عدنا قضايا وأمور داخلية بعد ما كاموا الأميركان يبعبصون بالحكومة ويلعبون بقلاقيلها بعد أن لعبت نفسنا من شوفة عورات الحكومة القبيحة.. والعورات هنا تشمل العورة الشرعية والعورة العربنجية.. يعني بس هسة عرفنا أن مو من حق أي أحد أن يجيب إلنا لبسان حتى نغطي عوراتنا أو أن يلبسنا لبسان بيديه الكريمتين الرقيقتين الحانيتين ولا إيد المحامية الشريفة بنت الزعفرانية أو رقة أصابع بنت الشيخ المحررة من أحضان الازلام.. وتئبرني..
لعد أكيد العراق جان لحد هاي اللحظة من إجانا بايدن.. جان إما مخصي.. يعني كاطعين خصاويه.. او عنين.. يعني يشتغل بس هوا مثل بمب البايسكل... لأن ليش ما حد أعترض وكال أمور داخلية أو قضايا داخلية من كعد زلماي خليل زاد وكتب الدستور العراقي.. أو من كال آغا أحمدي نجاد أن إيران لازم تملأ الفراغ في العراق.. وطبعا تعرفون شلون تملأ الفراغ.. بحسب النكتة من سالوا واحد شكد مساحة العراق.. فجاوب الخايب كال مساحة العراق ما أعرف شكد ألف كيلومتر مكعب.. فكالوا يمعود المساحات تقاس بالكيلومتر مربع لأن المكعب للأحجام.. فجاوبهم وكال مو إجونا الإيرانيون وزربوا بالعراق مترين.. يعني ماكو مساحة من ورا الخرية الإيرانية بكل مكان بالعراق.. كلها صارت حجم ويقاس بالمكعب.. وهاي الشغلة يفتهمها العربنجية المهندسون. يعني آغا أحمدي نجاد يريد يملأ الفراغ أو ملأ الفراغ بالعراق من بركات طيزه المباركة بآيات الله المقدسات .. وهم زين آغا أحمدي نجاد عصفور مبلل قياسا بضخامة جلال الكردستاني.. والله لو جان وزنه مثل وزن ضخامته لجانت الخرية الإيرانية واصلة للزردوم... وهاي كلها وإحنا ما كلنا أمورنا الداخلية أو قضايانا الداخلية أو وزارتنا الداخلية .
بس من صارت الحديدة حارة ورمضان فوق صفيح ساخن.. إكتشفت الحكومة بعد أن وصلت البعبوصة الاميركية إلى كلش جوا.. إكتشفت ويا للصدفة أن لها امور داخلية وقضايا نسائية داخلية ودورة شهرية وإلتهاب في الرحم وفطريات في فتحة الحكومة.. كل هذه الامور الشخصية والداخلية هسة يللا عرفتها الحكومة المسكينة لأن جانت ما تدري بامراضها الداخلية وما جانت عدها جرأة تروح لدكتور أمراض داخلية إلا من إجانا بايدن.. وكاللهم يابة أريد أكشف عليكم.. وطبعا منو يكدر يكول لا.. وكشف مستر بايدن بكل جنتلية وللإمانة هو جنتل وأنيق.. بس ما يرحم بالبعصة وما يلي البعصة من أفعال تخص الامور الداخلية.. يعني مثل النكتة القديمة من يوصل للحلك يللا الشريفة تكول (بث) .. فمن وصل الفعل الاميركي للزردوم يللا كام بوري المالكي يصيح (بث) وشفنا ببغاء الحكومة أبو حسين الدباغ جان واكف وحاط أيده بجيبه وهو يصرح.. طبعا هو جان حاط إيده بجيبه لأن جان ماسك خصوته حتى يصرح بامور تتعلق بالقضايا الداخلية لأن الأفندي ما يكدر يصرح عن الأمور الداخلية للحكومة إذا هو ما متأكد من سلامة خصوته.. وحتى من يكعد ضخامة جلال الكردستاني شوفوا شلون كام يكعد.. مفلكح رجليناته حتى يشوّف العالم الحر إنو عنده قضايا داخلية.. حجم طنين وربع .. بس يكوللك عنده القضية الداخلية اليمنى شوية معطوبة والسيدة الاولى دا تحاول تصحيح مسار الامور الداخلية لجلال الكردستاني حتى ترجع الأمور إلى مسارها الطبيعي لراحة جميع الاطراف المتنازعة جوا البطانية.
ثم من جان عدنا ذاك الرجال يذبح بينا وجنا كاعدين بوطننا ناكل الحصة التموينية ونلعب طاولي ونشرب عرك على عناد الحملة الإيمانية.. ليش الجماعة راحوا وجابونا الاميركان تعالوا خلصونا من الازلام وقائد الازلام.. شنو ما جانت قضية داخلية.. لو شنو السالفة.. ليش راح الجلب أسما وتسمية وقذارة (لا أخلاقا لأن ما عنده وفا) إبن الكاظمية لص البنوك الدولي (مو عبالكم بس عادل أبو صالح مختص بالبنوك) من راح أبو شهاب للاميركان يمعودين تعالوا خلصونا من الازلام ليش ما حد كال هذه قضية داخلية.. شنو هيجي جانت عورتنا طالعة برة وصارت قضية عامة مو داخلية؟ مو هسة نفس الشي... مو عورة الحكومة صارت عورة عالمية والكل دا تعلب بيها ... ومثل ما كلتلكم يمكن تجينا حتى بعصة بطيز الحكومة من غينيا بيساو.. لا تستغرب عزيزي القارىء إذا حسيت ببعصة غير تقليدية او غير مريحة لأن مال غينيا بيساو ترى غير شكل ومو قياسية.. يمعودين خلوها سكتة.. ترى صرنا ملك عام لكل اهل الأرض وماي سبيل ياهو يجي يشرب كمع ويتفل على الباقي.
بس شنو الحل.. يعني نروح لطبيب الباطنية ونكول عيوني الدكتور ممكن تشوف قضيتي الداخلية لان جماعتنا ما يريدون الاميركان يعالجون قضيتي الداخلية.. لو نروح لطبيب الجهاز التناسلي والامراض الجنسية.. عيني دكتور ترى كتلتنا الفطريات وقضيتنا الداخلية صارت متعفنة ممكن دوا.. لو نروح لطبيب العقم.. بابا دكتور عيوني أنت ترى قضيتي الداخلية خربانة وعاطلة وما بيها فائدة وصاير بس أضرب بمب وأرجع ليورا.. ممكن إعادة الشحن الله يرضى عليك لأن بوري المالكي ما يريد أحد يعيد شحن جهاز الموبايل.. أقصد قضيتنا الداخلية.
أخواني... تغطوا زين ومن تمشون أو توكفون بالشارع خلوا أيدكم بجيوبكم الفارغة أسوة بسيد اللواكة وزينة شباب أهل المنطقة الخضراء علي الصباغ المتلون والملون بكل لون.. خلوا إيديناتكم بجيوبكم ولزموا خصاويكم حيل.. ترى ما حد يفيدكم بقضاياكم الداخلية .. لا الأميركان ولا بوري المالكي... وإللي ما عنده قضية داخلية.. حالته مليوصة.. وينراد له تجفيت مكينة.. بس وينهم الفيترية.
habibarabenchi@yahoo.com
تنويه / كتابات لا تتحمل أيّة مسؤوليّة عن المواد المنشورة .. ويتحمل الكُتّاب كامل المسؤولية عن كتاباتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .
ست ايمان شخبصتينه شؤن حساسه وبالشان الداخلي لج عيني امريكا اذا ماتتدخل بالشان الداخلي وين تتدخل لعدفهمينه ست اللهيرضى عليج
زين اقترح عليج اقتراح تقرين مقالة حبيب العربنجي في موقع كتاباتhttp://www.kitabat.com
ولو العربنجي هاالايام لسانه متبري منه بس اقري ابويه خاف يسويها وكتنا المصخم والكاج وزيرة خارجيه واني وكيلج لاتقولين نعم موعبالج دااعقد عقد اقصد وكيلج بالوزاره لان اني كردي والوزاره النا بيها عرك بموجب المحاصصه
لاتهتمين ماكو لربع صالح المطلك اي حصه لان كلهم اجتثاث
ليست هناك تعليقات:
إرسال تعليق